Tavrlar

Tavrlar (yunanca Ταῦροι) - Qırım yarımadasınıñ dağlarında ve cenübiy yalı boyunda yerleşken olğan qadimiy bir halqtır. Olarnıñ yaşağan zamanlarında bu regionğa Tavriya (Tavrida, Tavrika, Tauris) şeklinde isimler berilgen.

Gerodot Tarihında tavrlar cenk ve yağmacılıqnen keçingen adamlar olaraq tarif etilgen. Oña köre tavrlar "Qız tañrıça"ğa tapınğan, yolunı şaşırğan yunanlarnı ve gemisi topraqqa oturğan, qaza keçirgen seyaatçılarnı tañrıçağa qurban etkenler. Herodot tavrlarnıñ coğrafiy olaraq skitlerniñ yaşağan yerlerinde yaşağanlarını, amma skit olmağanlarını bildire.

Soñunda Qırım yalıları, hususan Hersones civarları yunan (ve artından romalı) koloniyalarnıñ akimiyeti astına kirdi. Kene de tavrlar bu yerlerde yunan küçlerine qarşı bayağı küreşken. Esas merkezi olğan Simbolondan (şimdiki Balıqlava) Qara deñizdeki gemilerge qarşı basqın, yağma ve korsanlıq yapqan. M. e. II asırda skit çarı Skilurnıñ ittifaqdaşı oldılar.